– Како што најавивме и во следните денови времето во Македонија ќе се задржи променливо облачно, а особено во среда ќе има и повремени локални врнежи од дожд со послаб интензитет. Ќе дува и слаб до умерен ветер од јужен и од југоисточен правец. Минималните температури ќе се спуштаат во интервалот од 0 до 8 степени, додека максималните ќе се искачуваат во интервалот од 7 до 15 степени, вели метео прогнозерот Славчо Поповски.
Поголем пораст на максималните температури се очекува од четврток и истите тогаш ќе се искачуваат во интервалот од 12 до 20 степени и ќе бидат значително над просекот за овој дел од годината.
И во Скопскиот регион во следните неколку денови времето ќе се задржи променливо облачно со слаб до умерен ветер од јужен и од југоисточен правец. Во среда ќе има услови и за послаби врнежи од дожд. Минималните температури ќе се спуштаат во интервалот од 2 до 4 степени, додека максималните ќе се искачуваат во интервалот помеѓу 12 и 14 степени.
