Дуа Липа (24) моментално е во Њујорк каде што го снима новиот спот. Освен што напорно ќе работи, ќе најде време и да се дружи со своето момче, моделот Анвар Хадид (20), кој е брат на познатите манекенки Џиџи (24) и Бела Хадид (23).
Британската пејачка со потекло од Косово, редновно ги посетува тренинзите. Токму поради таа причина е во одлична форма и има совршена линија на која ѝ завидуваат бројни дами. Додека во средата се враќала од јога, фотографирана е од страна на папараците, а овој пат целото внимание е на нејзиното тело и стајлинг.
Таа облече проѕирни хеланки и топ, а за да не ѝ биде премногу ладно облече и широка јакна. Позитивните коментари за нејзиниот стајлинг се во изобилие.
„Играв кошарка, а во основно училиште се занимавав со гимнастика… Дури неодамна започнав да вежбам во теретана, пред тоа справите воопшто не ме привлекуваа“, изјави Дуа Липа во едно интервју.
И додека многумина мислат дека пејачката е голема љубителка на вежбањето и дека секогаш има мотивација, таа тврди поинаку.
„Јас сум една од оние луѓе кои на почетокот од годината се зачленуваат во теретана, а потоа се појавуваат само неколку пати во првите две недели и исчезнуваат… Но, сега уживам во вежбањето со тренерот. Прилично сум бескорисна кога сум сама, па сакам да се опкружувам со мотивирани луѓе кои ќе работат со мене“, изјави популарната пејачка.
