Давањето имиња на бебињата е една од првите и најтешките одлуки што родителите треба да ја донесат.
Популарноста на имињата се менува од година во година и како што имињата како Дејдри и Мејбел излегоа од мода, така и многу имиња кои денес се во мода еден ден ќе бидат старомодни, пренесува Мирор.
На популарниот форум Mumsnet, кој ги обединува мајките, се разговараше за најлошите имиња за децата, а конечната листа имаше десет имиња кои најчесто се повторуваа меѓу предлозите.
Еве кои се тие, како и образложенијата на мајките зошто ги вброиле меѓу најнепожелните детски имиња:
Миа – „Во воените кругови тоа е акроним за исчезнатите во акција“, пишува една мајка на форумот.
Камерон – „Едно од имињата што би можело да биде презиме во земјите од англиско говорно подрачје“.
Клаудија – „На латински значи мизерно“.
Алекса – „Амазон го користеше ова име за дигитален асистент“.
Лана – „Анаграм на нешто просто“.
Фани – „Од очигледни причини“, пишуваат мајките на Mumsnet
Флора – ја тера мајката да „мисли на бактерии“.
Луна – „Повеќе звучи како име на домашно милениче“.
Греам – „Звучи како име на шунка“.
Мерцедес – „Асоцира на автомобил“
Мајките исто така сметаат дека е најдобро да се избегнуваат имиња поврзани со историски личности. Адолф, од очигледни причини, но и Оливер поради конотациите со Оливер Кромвел.
И покрај ова, Оливер е едно од најпопуларните имиња за новородените момчиња во Велика Британија.
