Градината популарна наречена Градина на розите, која првично ја уредила Џеки Кенеди, неодамна беше редизајнирана според вкусот на актуелната прва дама, Меланија Трамп. Градината доби ново руво, но тоа не им се допадна на граѓаните на САД.
Кога во 1961 година, со помош на стручниот градинар Бани Мелоун, тогашната прва дама Џеки Кенеди ја уредила споредната градина на Белата куќа, народот бил воодушевен.
Нејзината разиграна комбинација на лалиња, рози, магнолии и јапонски цреши кои напролет изгледале нереално убаво, ја развеселиле нацијата.
Сега, по 59 години, Меланија Трамп одлучила да ја редизајнира култната Градина на розите и да ја прилагоди на својот стил.
Првата дама се пофали со финалниот резултат и новиот изглед на градината во претседателската резиденција, а не беше потребно долго за бројни граѓани да го изразат своето незадоволство.
Твитерџиите брзо почнаа да се потсмеваат на нејзиниот модел на градинарство и го споредија со уредувањето покрај паркиралиштата во градот, ѝ порачаа дека внела дух на стилот Трамп и дека градината е празна и студена.
„Меланија Трамп ја обликуваше Градината на розите според своето семејство – студено и празно“.
„Рајот го претвори во паркинг.“, се само некои од коментарите на Твитер.
