Британската кралица Елизабета Втора моментно се наоѓа во изолација во дворецот Виндзор. Странските медиуми пренесуваат дека е сосема извесно дека никој нема да ја види минимум до крајот на летото. Најнеопходните обраќања ќе ги објавува преку видеолинкови.
Многумина шпекулираат дека кралицата всушност веќе никогаш нема да се врати на регуларното вршење на кралските должности, бидејќи се зборува дека коронавирусот ќе биде присутен со години.
Кралицата не сака да престане да работи, но нема да се спротивставува на советите. Таа секојдневно ги добива сите информации преку интернет, како и преку разговорите со премиерот Борис Џонсон еднаш неделно.
„Нејзиниот дневник на обврски е празен до крајот на месецот. Прославата „Поздрав со боите“ и многу летни забави се откажани. Тешко дека таа некогаш ќе се врати на „нормалното“ вршење на должностите“, вели кралскиот биограф Ендрју Мортон.
„Овој вирус ќе биде присутен со месеци, ако не и со години. Би било премогу ризично кралицата да почне секојдневно да се среќава со луѓе. Таа секогаш ги сакаше средбите, но олкав ризик не смее да се преземе“.
Една од главните грижи на кралицата е дека би можела да го зарази принцот Филип, чие здравје и така е нарушено.
За првпат по 27 години Бакингемската палата е затворена за туристи и така ќе остане најмалку до крајот на летото.
