Иако секоја држава има своја омилена раса на кучиња, на глобално ниво сè уште постојат раси кои се генерално попопуларни од другите.
Еве кои се најпопуларните четири раси на кучиња кои луѓето од целиот свет ги избираат за домашни миленици:
Златен ретривер
Златниот ретривер е нежно и сигурно куче. Овие квалитети го прават лош чувар, но тој е совршен за семејство. Интелигентни се, разиграни, друштвени и лесно може да ги дресирате. Може да развие анксиозност ако го оставите сам на подолг временски период. Бара редовна физичка активност и претпочита отворени простори.
Германски овчар
Оваа раса на кучиња е позната по својата сила, лојалност и благородна природа. Затоа е и полициско куче. Сака да го следи сопственикот во предизвикувачки авантури, да учи трикови и да игра во дворот. Имаат густо и цврсто влакно кое е водоотпорно. Се митарат еднаш или двапати годишно.
Сибирски хаски
Бидејќи се одгледува за трчање и напорна работа, не е изненадувачки што сибирскиот хаски е едно од најенергичните кучиња. Исто така, има тенденција да биде независно, иако некогаш се движел исклучиво во чопор. Се разбира, овие кучиња исто така сакаат да бидат во друштво на сопственикот, а притоа не се премногу желни за внимание.
Јоркширски териер
Ако живеете во град, барате куче со мал раст и не ви пречи да го носите повремено додека сте надвор, ова е идеално куче за вас. Овие кучиња се многу љубопитни по природа и затоа често сакаат да си играат. Чувствителни се на студ, затоа дефинитивно треба го чувате во вашиот дом особено за време на зимските месеци.
