Актерката Кортни Кокс ги изненади фановите со фотката на која седи во џакузи со Дејвид Бекам
За среќа, пред да стигнат да реагираат се објави и друга фотографија, на кој со нив во џакузи се актерите Џеси Тајлер Фергусон и Ерик Стоунстрит од „Модерно семејство“.
Така стана јасно дека 44-годишниот поранешен фудбалер Дејвид Бекам и 55-годишната ѕвезда од серијата „Пријатели“ се заедно со остатокот од екипата на „Модерно семејство“, на чија серија поранешниот играч на Манчестер јунајтед е голем фан.
Бекам подоцна објави фотографија на која заедно читаа сценарио за својата камео улога.
– Запознав нова ПРИЈАТЕЛКА на работа – се пошегува.
Дека неговата сопруга Викторија нема никакви проблеми со тоа, сведочи и нејзиниот коментар: „Едвај чекам. Бакнежи!“
