Новата Месечина во Овен се случува на 1 април – еве што ни носи овој важен астролошки феномен и како ќе влијае на нашите животи.
Почетокот на април ќе биде означен со новата Месечина во Овен, а овој месец ќе заврши со затемнувањето на Сонцето во Бик на 30 април. Тоа е период во кој се што е истрошено, старо и бескорисно, ќе исчезне и ќе отстапи место на нешто ново. Време е за нови одлуки!
Младата месечина во Овен ја буди нашата заспана енергија, ни дава храброст, решителност и волја да го промениме она во што се чувствуваме заглавени и несреќни. Ќе не поддржи да го постигнеме она за што се грижиме и што ни значи.
Астролозите советуваат дека она што ве загрижувало, тоа што ве вознемирувало, сега имате можност да го оставите зад себе, во минатото, но во некои случаи ќе биде потребно да се отворат старите рани за да го сфатите „лошото“ и за да можеме да „оздравиме“.
Енергијата на младата месечина треба да се искористи за иницијатива – разберете дека ние сме водачи на нашите животи и дека не смееме да дозволиме некој да ни го одземе внатрешното водство.
Ќе сфатиме дека не смее да има место за страв ако се стремиме кон слобода. И дека нема напредок ако постојано си поставуваме граници.
Ќе биде одличен момент да се фокусираме на целта, да преземеме одговорност и да престанеме да се воздржуваме. Запрашајте се: Каде сакаме да бидеме? Каква работа сакаме да работиме? Каква врска сакаме да имаме? Што ни е потребно за да живееме исполнет и продуктивен живот?
Искористете ја моќта на оваа млада Месечина и насочете ја својата енергија на остварување на сопствените потенцијали. Тоа го бара животот од нас. Ќе видите дека кога избирате – добро, доброто доаѓа до вас! Не плашете се да ја прифатите промената!
Затоа, утре погледнете кон небото и кажете си ги вашите желби!
