Додека Јарецот постојано го исклучува бојлерот и штеди на струја, Вагата и Лавот се „тепаат“ за огледалото. Девицата прави свежи сокови, Близнаците постојано нешто губат, а Рибата спие.
Еве една астролошка шега која на многу духовит начин открива како би изгледал животот ако сите 12 претставници на хороскопски знаци се најдат едно утро во ист стан.
6:15 часот: Јарецот станува и го вклучува бојлерот, истекол терминот за ефтина струја.
6:20 часот: Водолијата заминува на утринско џогирање.
6:30 часот: Вагата и Лавот се „тепаат“ за огледалото, ама и за кремата за лице и за гелот за коса.
6:40 часот: Бикот појадува „нутела“ со голема лажица.
6:45 часот: Стрелецот станува и повторно го вклучува бојлерот.
7:00 часот: Ракот подготвува сендвичи, додека Девицата цеди свежи овошни сокови. Близнаците се се уште во кревет, а на мобилниот телефон ги проверуваат меиловите и новостите на социјалните мрежи.
7:05 часот: Шкорпијата ја „крши“ вратата од купатилото, Вагата излегува навредена со несесерот во раце.
7:10 часот: Oвенот станува и ја вклучува стоперицата. .
7:11 часот i 45 секудни: Oвенот е веќе истуширан, облечен, и мавта од скалите. Ја исклучува стоперицата.
7:15 часот: Бикот со лажицата ја „струга“ теглата, нема веќе „нутела“.
7:20 часот: Вагата и Лавот пак се тепаат за огледалото, Лавот си го проверува изгледот и излегува воодушевен од самиот себе.
7:30 часот: Водолијата се тушира со ладна вода, Јарецот пак го исклучил бојлерот.
7:40 часот: Сите заминуваат.
7:45 часот: Близнаците се враќаат, го заборавиле едниот од трите мобилни телефони.
7:50 часот: Близнаците повторно се враќаат, го заборавиле паричникот.
8:00 часот: Рибите се будат и сфаќаат дека се заклучени во станот.
