Силна бура веќе втор ден по ред предизвикува поплави и лизгање на земјиште низ Калифорнија. Десетици илјади домови останаа без струја, а има и смртни случаи.
Неколку десетици илјади граѓани останаа без електрична енергија, а патиштата беа поплавени и непроодни поради паднати дрвја и лизгање на земјиштето, јавуваат странските агенции.
Од средата се пријавени најмалку две жртви од невремето, едната жртва е мало дете на кое паднало дрво и уништило подвижна куќа во Северна Калифорнија, додека другата жртва е 19-годишна девојка.
Следниот круг бури се очекува доцна вечерва, што ќе донесе ризик од лизгање на земјиштето и поплави, соопшти американската Национална метеоролошка служба.
Најзагрозени се оние места каде што земјата беше опустошена по овогодинешните пожари.
Областа на заливот Сан Франциско, градот Сакраменто и околните региони сè уште се опоравуваат од огромните штети од поплавите.
🇺🇸 #Capitola, #California: Capitola Beach and Pier are under siege with tide and surf still rising. 👀 pic.twitter.com/7GzBmJV7oI
— The informant (@theinformantofc) January 5, 2023
