Илон Маск ќе отпушти 75 отсто од вработените во Твитер ако ја преземе социјалната мрежа, објави синоќа Вашингтон пост.
Еден од најбогатите луѓе во светот ќе им даде отказ на повеќе од 5000 луѓе и планира да остави само најнеопходните за нормално функционирање на мрежата, тврди весникот.
Аналитичарите, експертите, па дури и вработените во Твитер го предупредија Маск дека таквиот потег би го уназадил Твитер со години и би ја загрозил неговата стабилност. Драстичните отпуштања на вработените би го направиле Твитер поранлив на разни хакерски напади, спам пораки и други проблеми за чие решавање не би имало доволно луѓе.
