Поротата во Њујорк го прогласи холивудскиот актер Кевин Спејси невин за злоставување на актерот Ентони Рап, кој тогаш имал само 14 години, пишува Си-Ен-Ен. Тој е официјално ослободен од обвиненијата.
Според одлуката на судот, Рап не докажал дека Спејси го допирал по интимниот дел.
Поротата составена од шест мажи и шест жени расправаше нешто помалку од 90 минути во четвртокот попладне. Рап изгледаше многу самоуверено додека судот ја читаше пресудата, но неговите адвокати беа вознемирени додека ја напуштаа судницата во центарот на Менхетен.
-Многу сум ѝ благодарна на поротата што ги прозре овие лажни обвинувања – изјави адвокатката на Спејси, Џенифер Келер.
Ричард Штајгман, адвокатот на Рап, во неговата изјава рече:
-Ентони ја кажа својата вистина на суд. Иако ја почитуваме пресудата на поротата, тоа ништо не менува.
Да потсетиме, судијата Луис Каплан формално го отфрли случајот. Адвокатите кои седеа од двете страни на Спејси веднаш ги ставија рацете неговиот на грб кога беше прочитана пресудата.
Најпознат по улогата во „Ѕвездени патеки: Дискавери“, Рап тврдеше дека во 1986 година, тогаш 26-годишниот Спејси го поканил во неговиот дом на Менхетен каде што го легнал на креветот, го фатил за задникот и ги притиснал своите препони до телото на Рап без негова согласност.
Судијата го отфрли обвинението на Рап за напад пред почетокот на судењето, како и неговото тврдење за намерно нанесување емоционална болка откако адвокатите на Рап го затворија неговиот случај, оставајќи ја поротата да одлучува само по тужбата за злоставување.
Во завршниот збор, адвокатот на Рап наведе дека Спејси го изменил сведочењето на судењето за да оди во прилог на неговата одбрана, укажувајќи на извинувањето што го упати Спејси до Рап во 2017 година.
-Не слушајте што сум кажал во реално време. Сега ја бранам тужбата. Слушај ме сега. Го поправив тоа, рече Штајгман, исмевајќи се со обидот на Спејси да ја убеди поротата дека публицистите го притискале да даде изјава за која сведочеше дека сега жали.
