Германската полиција ја приведе познатата активистка Грета Тунберг.
Taa беше меѓу приведените активисти за климатски промени за време на протестите во селото Луцерат. Протестирала во отворениот рудник за јаглен Гарцвајлер, на околу 9 километри од Луцерат.
Како што пишува Ројтерс, Тунберг им се придружи на демонстрантите во петокот, а потоа ја виделе како седи сама во голем полициски автобус. Од полицијата ја потврдија информацијата и велат дека еден активист скокнал во рудникот.
Во западна Германија и по евакуацијата на активистите од селото Луцерат, кое пропаѓа поради проширувањето на рудникот за лигнит, протестите на еколошките активисти не запираат.
Во градот Келн, оддалечен 40-ина километри, активисти го запреа сообраќајот за време на утринскиот шпиц.
