Ватикан информира дека папата Франциск (86) денеска е хоспитализиран во Рим, а неговите состаноци планирани за утре се откажани.
„Светиот Отец е во болницата „Џемели“ каде што попладнево беше однесен на однапред договорени прегледи“, изјави портпаролот на Светата столица, Матео Бруни, без да даде други информации.
Италијанскиот весник „Кориере дела Сера“ објави дека папата бил пренесен во болницата со брза помош поради проблеми со срцето. Медиумите пренесуваат дека тој бил однесен на кардиолошкото одделение каде се вршат прегледи.
Би-би-си пак пишува дека папата има потешкотии со дишењето во последните денови, но нема ковид.
Во соопштението се вели дека инфекцијата „ќе бара неколкудневна соодветна болничка медицинска терапија“.
Папата (86) претходно во средата одржа општа аудиенција во Ватикан, а се појавија фотографии на кои се гледа како неговите соработници го приоддржуваа додека се качувал во возилто со болни гримаси на лицето.
