Состојки:
10 чешниња лук
100 грама ореви
400 грама свежи листови од босилек
100 грама свеж магдонос
100 милилитри маслиново масло
сол и црн бибер
Подготовка:
Во загреана тава на оган (без додавање масло) ставете ги оревите да се потпечат. Кога ќе добијат убава боја, тргнете ги од оган и оставете ги кратко да се оладат.
Потоа вака подготвените ореви ставете ги во сад за толчење, во кој претходно сте ги додале исчистениот лук, свежиот босилек, свежиот магдонос и сѐ убаво истолчете.
На крај во садот додајте ги маслиновото масло, солта и црниот бибер.
Повторно со толчникот убаво изгмечете ги состојките.
Со тоа, пестото од ореви и босилек е готово за јадење.
