Овојпат шеф Бранко ни подготвува здрави оброци за подобро здравје! A за утрешниот појадок ви предлага здрав омлет. Оброк кој нема да ви одземе повеќе од 10 минути, а ќе ви даде ситост и енергија за вашите утрински обврски.
Потребни состојки:
👉 3 јајца
👉 5 лажици овесно или бадемово брашно
👉 Неколку пачиња моцарела или урда
👉 Половина лажичка хималајска сол
👉 Малку бибер
👉 Малку сушен босилок
👉 Рукола
👉 1 лажичка пречистен путер
За кремот:
👉Протеински крем
👉 Една рендана свежа краставица
👉 Половина лажичка хималајска сол
👉 Малку бибер и сув босилок
👉 Малку маслиново масло
👉 Микро-гринс цвекло
Јајцата матете ги заедно со овесното/бадемовото брашно. Додадете ги зачините, а во тава претходно растопете го пречистениот путер.
Откако ќе се загрее, истурете ја смесата во тавата и пржете додека не се испржи во форма на тортиља/палачинка. Врз смесата додадете листови моцарела или урда. Преклопете од едната страна. Сервирајте со свежа рукола.
Протеин кремот измешајте го со краставицата. Додадете ги зачините и микро-гринс цвеклото.
Вкусен и здрав појадок за здравје секој ден!
#CookingWithBranko
(ФОТО+РЕЦЕПТ) ШЕФ БРАНКО ПОПОСКИ: Рецепт за протеински ролат
