Состојки:
500 грама бисквити
6 банани
3 пакувања шлаг крем
200 милилитри млеко
Подготовка:
Во длабок сад ставете ги бананите на кои претходно сте им ја отстраниле лушпата и убаво изгмечете ги со виљушка. Откако ќе ги испасирате, во нив истурете ги ќесичките крем и со миксер убаво изматете ги состојките.
Откако ќе ги соедините бананите со шлаг пената, почнете со подготовка на тортата.
Во сад истурете го млекото и во него потопувајте ги бисквитите една по една.
Наредете еден ред од бисквитите во чинија за сервирање, а потоа врз нив ставете дел од претходно подготвениот фил од банана.
Постапката повторувајте ја додека имате бисквити, но и фил од банани и шлаг.
На крај, вака добиената торта, декорирајте ја по ваш избор.
