Експертите од медицинскиот центар „Џон Хопкинс“ од САД предупредуваат дека децата исто така можат да имаат потешки форми на коронавирус
Иако во повеќето случаи оваа болест се чини дека е поблага кај малите деца, важно е родителите да разберат дека децата исто така можат да бидат заразени со коронавирусот и може да го пренесат на други лица, Арон Милестон – педијатар во медицински центар Џон Хопкинс од Орлеанс, САД.
Според советите на експертите од медицинскиот центар „Џон Хопкинс“, родителите треба веднаш да побараат итна медицинска помош доколку ги забележат следниве знаци при влошување на состојбата предизвикана од коронавирусот:
– Тешкотии со дишењето или запирање на здив
– Неможност за задржување на течности
– Тешко будење
– Сини усни
Со цел да се спречи инфекцијата со вирусот, лекарите од овој медицински центар советуваат физичката оддалеченост на децата од возрасните, кои можат да бидат носители на коронавирусот, вклучувајќи ги и членовите на семејството кои имаат ризични контакти.
Ви ги посочуваме најважните совети поврзани со одржување на растојание:
Децата, како и возрасните треба да држат најмалку два метра растојание од луѓето надвор од нивното домаќинство.
Проверете дали децата имаат можност да ја одржуваат потребната физичка оддалеченост во дневната соба и во училиштето
Ограничете ја играта со другите деца и бидете сигурни дека вашето дете правилно носи маска.
Со убав разговор, без да се влее страв, вашето дете ќе може да ги прифати сите ваши совети за негово добро здравје и здравје на целото семејство.
