Познатaта шминкерка Реми Гафни откри дека од алуминиумска фолија прави маска за лице, која ги брише трагите од замор и несоница наутро.
Подуеноста на кожата и подочниците не се пријатна глетка кога ќе се разбудите.
Сè што треба да направите е да земете неколку парчиња фолија, доволно голема за да го покриете целото лице. Потоа обликувајте ги така што ќе имате простор за вашите очи, уста и нос, а потоа прилагоденото парче фолија ставете го во замрзнувач 15 минути до еден час. Ако веќе знаете дека ќе ја користите оваа маска наутро, тогаш можете да заштедите време и секоја вечер пред да одите во кревет ставете ја маската во замрзнувач.
Наутро кога ќе станете, измијте се и извадете ја маската од замрзнувачот. Оставете ја три минути малку да се одмрзне, потоа ставете ја на лицето. Обликувајте ја фолијата така што убаво да го покрие целото лице, а особено проблематичните делови (под очите и образите). Почекајте 15 минути, опуштете се и уживајте во освежувањето. Не само што отоците брзо ќе се намалат од студот туку и ќе се чувствувате будни како да сте веќе испиле две кафиња.
Реми објасни за страницата „Рафинерија 29“ дека оваа маска е најдобриот лек за мамурлак што некогаш го пробала, но дека е одлична и за луѓе кои не спиеле добро цела ноќ. Не само што ќе го намали отокот на лицето, туку исто така ќе го намали црвенилото, иритацијата, кожата ќе изгледа поцврсто и порите ќе се намалат.
Пред да си легнете ставете парче фолија во замрзнувачот ако сакате да се разбудите свежи без подочници!
