Српската актерка Слобода Миќаловиќ заврши во Ургентен центар во Белград, откако синоќа беше нападната на паркингот во Земун, од извесна жена С.Д. (47). Конфликтот се случил на плоштадот „Караѓорѓев трг“ во Земун.
Сега, таа жена за „Телеграф.рс“ раскажала што се случило гушејќи се во солзи.
„Ве молам извинете, не можам да зборувам, мајка ми почина пред два дена, а сè што е напишано не е точно. Не знам веќе што прави таа жена и што сака, не ја оплакував мајка ми на мир. Извинете, но навистина не можам да зборувам“, рекла жената која влезе во конфликт со Слобода гушејќи се во солзи.
„Ме удри со својот автомобил, ве молам повеќе не ме вознемирувајте“, додала жената за „Телеграф.рс“.
Како што пишуваат српските медиуми, во околината има неколку продавници, од менувачница до ресторан кој не работел, како и ќебапчилница, но единствениот доказ кој евентуално би можел да го расветли целиот случај се наоѓа токму на зградата. Станува збор за надзорна камера која го снимила целиот инцидент и сè што му претходело.
Полициските службеници за настанот го известиле дежурниот јавен обвинител, по што им било наредено да ги соберат потребните информации, да разговараат со учесниците и со сите лица кои имаат сознанија за настанот, за отстранување на снимката од видео надзорот и да се подигне медицинската документација.
Она што може да се заклучи е дека оваа надзорна камера е главниот доказ во овој случај и дека најверојатно ќе открие кој ќе ја сноси вината.
