Во неговите претстојни мемоари „Разбивање на историјата: Мемоари во Белата куќа“, зетот на Доналд Трамп, Џаред Кушнер, се присетил на разговорот што го имал со лекарот од Белата куќа, Шон Конли за време на патувањето во Тексас во октомври 2019 година.
„Утрото кога отпатував во Тексас за да присуствувам на отворањето на фабриката на Луј Витон, лекарот од Белата куќа, Шон Конли, ме одвлече во медицинската кабина на Air Force One“, напиша Кушнер.
– Резултатите дојдоа, а докторот ми рече: ‘Изгледа дека имаш рак. Мораме веднаш да закажеме операција“, открива тој.
Кушнер му рекол на докторот Конли да почека и да дојде во неговата канцеларија следниот ден.
– Ве молам, не кажувајте никому – особено не на мојата сопруга или на нејзиниот татко – рекол тој, мислејќи на Иванка Трамп и тогашниот претседател Доналд Трамп.
Иванка и Кушнер во тоа време работеле во Белата куќа како високи советници на претседателот.
Тој ден беа објавени фотографии од Кушнер со неговата сопруга во фабриката Луј Витон во Тексас. Тие седеа во првиот ред за време на говорот на тогашниот претседател Трамп кој го проверуваше квалитетот на чантите.
Кушнер откри дека неговиот рак бил „рано“ откриен, но дека „значителен дел од тироидната жлезда“ морал да се отстрани и се плашел дека операцијата може да влијае на неговата способност да зборува.
– Доктор во Њујорк заклучи дека ми е потребна операција за отстранување на необичен израсток на штитната жлезда, а операцијата ја закажавме за петок пред Денот на благодарноста – пишува Кушнер.
– На тој начин би пропуштил најмалку време во канцеларијата. Моето отсуство може дури и да помине незабележано. Така сакав – продолжува тој.
View this post on Instagram
– Ова беше личен проблем, а не настан за јавноста – нагласува главниот советник на Трамп.
Кушнер рече дека се обидел да се концентрира на работата и „да не размислува за претстојната операција или несаканиот израсток во телото“.
-Кога размислував за тоа, се потсетив дека тоа е во рацете на Господ и лекарите и дека се што се случи е надвор од моја контрола. На моменти се прашував дали ќе ми треба опсежен третман – се сеќава тој.
Единствените луѓе што ги известил биле Иванка Трамп, двајцата негови помошници, Ави и Кесиди и шефот на кабинетот на Белата куќа, Мик Мулвејни.
Сепак, Доналд Трамп дознал.
View this post on Instagram
– Еден ден пред операцијата Трамп ме повика во канцеларија и му сигнализираше на својот тим да ја затвори вратата – пишува Кушнер.
„Дали си нервозен поради операцијата?“, се сеќава тој на зборовите на Трамп.
Кушнер го прашал од каде знае.
„Јас сум претседател. Знам сè“, одговорил Трамп.
-Разбирам дека сакаш да ги премолчиш овие работи. И јас сакам да ги чувам ваквите работи за себе. Ќе бидеш добро. Не грижи се за работата. Имаме сè покриено овде“, му рекол претседателот.
Книгата на Кушнер ќе биде објавена на 23 август, пишува Daily Mail.
View this post on Instagram
