Секој што ќе ја покаже буквата З со намера да ги поддржи акциите на војската на Владимир Путин може да биде казнет со парична казна или до три години затвор.
Германското Министерство за внатрешни работи преку твит објави: „Секој кој јавно ја одобрува оваа војна може да биде кривично гонет“.
Во Германија, секој што ќе ја користи буквата З (Z), симбол на руската инвазија на Украина, ќе биде казнет за кривично дело. Поточно, оние кои јавно ќе ја изложат оваа буква со намера да ги поддржат акциите на војската на Владимир Путин, на пример, да ја прикачат или нацртаат на автомобилот или на нивниот дом, да ја покажат на демонстрации или да ја објават на Интернет, може да бидат казнети до три години затвор.
„Руската агресивна војна против Украина е злосторство. Секој кој јавно ја одобрува оваа војна може да биде кривично гонет. Ова исто така важи и за приказот на симболот „Z“. Федералните власти внимаваат на употребата на симболот“ – твитнаа од Министерството за внатрешни работи.
Der russische Angriffskrieg gegen die #Ukraine ist eine Straftat. Wer diesen Angriffskrieg öffentlich billigt, kann sich strafbar machen. Das gilt auch für das Zeigen des „#Z“-Symbols. Die Sicherheitsbehörden des Bundes haben die Verwendung des Symbols im Blick.
— Bundesministerium des Innern und für Heimat (@BMI_Bund) March 28, 2022
Новиот закон се заснова на членот 140 од германскиот кривичен законик, кој ја дефинира осудата на злосторството: во него има и прекршување на меѓународното право, како што се воени злосторства или војна од агресија, како што е онаа на Русија против Украина.
Објавата на германското Министерство за внатрешни работи беше поздравена од земјата под опсада, која ги покани и другите држави да го следат примерот на Германија.
Z првпат се појави на 22 февруари на руските воени возила и стана симбол на инвазијата. Нејзиното потекло, сепак, не е јасно: има и такви кои тврдат дека може да значи З(А) победа или пак, да се однесува на зборот Запад, но ниту еден официјален извор никогаш не го потврдил нејзиното вистинско значење.
