Фолк пејачката Зорица Брунцлик и хармоникашот Мирољуб Аранѓеловиќ Кемиш денес ги обновија своите брачни завети по повод 40 години љубов и заеднички живот.
Гламурозна церемонија и свадбена венчавка се одржаа во нивната семејна вила во Крњача, а прославата собра бројни познати личности од светот на музиката, спортот и политиката.
Невестата и младоженецот блескаа во бели фустани, а на церемонијата присуствуваа нивните деца и внуци. Матичарот пристигна во дворот на нивниот дом, каде што Зорица и Кемиш уште еднаш ја потврдија својата љубов пред сведоци, но овој пат со обновување на брачните завети.
Пејачката лично се погрижи за секој детаљ, сакајќи денот да помине совршено, а посебен момент беше првиот танц. З орица изрази желба нејзиниот колега и пријател, популарниот пејач Ацо Пејовиќ, да ја отпее песната „Сè ти должам“ во живо.
Меѓу бројните гости беа: Светлана Цеца Ражнатовиќ, Ацо Пејовиќ, Драган Џајиќ и неговата сопруга, Александар Вулин, Катарина Грујиќ, Мики Периќ, Сања Маринковиќ и многу други.
Церемонијата се одржа во дворот на нивната вила, која беше претворена во вистинска бајка. Просторот беше украсен со над 1.000 килограми цвеќе доставено во дури пет камиони, а кристални лустери висеа насекаде, додека розов тепих и бела порта со цветни лакови ги пречекуваа гостите.
