Социјалните мрежи се „запалија“ откако се појави видео од тренингот на Лука Дончиќ, кој неодамна се пресели да игра за ЛА Лејкерс.
Лука за својот прв натпревар со Лејкерси се подготви со големиот хит на српската пејачка Ана Бекута, песната „Имам један живот“, што навестува дека ова е омилената песна на успешниот кошаркар.
@espn The Lakers playing European music ahead of Luka’s debut 😂🔥 (via mcten/X) #luka #lakers ♬ original sound – ESPN
Имено, додека песната свиреше на разглас, Лука тренираше, ја шутираше топката во кошот и се загреваше во опуштена атмосфера. За тоа време фоторепортерите го фотографираа и правеа снимки.
Пејачката се огласи во оваа прилика, не криејќи колку е горда.
„Вечерва ја добив оваа снимка која ми ги стопли душата и срцето. Ниту еден мој настап не може да помине без песната „Имам један живот“, изгледа оваа песна ќе стане задолжителен дел од кошаркарските игри“, рече Ана и додаде:
„Благодарна сум на сите што се радуваат и тагуваат со оваа песна, особено на Перица Здравковиќ и Жана, кои ми ја напишаа пред 32 години, аранжман на Д. Стојковиќ Босанац. Од денес навивам за Лука и Лејкерси! Ви посакувам многу успех. Небото е граница“, изјави таа за домашните медиуми.
