Памела Андерсон на Бродвеј? Да молам! Малкумина го очекуваа тоа, но сепак актерката од Baywatch „знае како да танцува и пее и е многу забавна во нејзиниот дел“, вели Џони Олексински во Њујорк пост по дебито на 54-годишната поранешна спасителка на плажа и зајачица на Плејбој во мјузиклот Чикаго, играјќи ја Рокси Харт, во вторникот, 12 април 2022 година. Репризите се закажани до 5 јуни, а се бара карта повеќе!
Аплауз и цвеќиња за првиот настап на Пем која по долго отсуство изгледа сака да си го врати местото во светот на забавата – она на легендарна забавна фигура, по што беше препознатлива во текот на нејзината кариера и – особено со „бумот“ во 90-тите години.
View this post on Instagram
Памела Андерсон немала улога во филм или во ТВ шоу од 2018 година. За враќање во јавноста ја избра Рокси, жена од 1920-тите која врши прељуба, го убива својот љубовник и станува миленичка на таблоидите. Веројатно совршена улога за актерката, која знае што значи да се биде во центарот на вниманието.
„Кога нејзината Рокси е бомбардирана од новинари и трепка со очите пред судот, Андерсон изнесува на сцената карактер што, намерно или не, ја издвојува од другите изведувачки на Рокси кои толку често претеруваат со врисоци и емоции“, додава Олексински. .
View this post on Instagram
Чикаго, мјузиклот на Боб Фос, кој наиде на само скромен успех во 1975 година, го привлече вниманието на јавноста благодарение на преработките од 1996 и 1997 година. Денес е меѓу најреплицираните претстави во светот, а секако и на Бродвеј.
Во 2002 година мјузиклот ја доби и својата филмска верзија, во режија на Роб Маршал со, со врвна актерската екипа, Рене Зелвегер, Кетрин Зета-Џонс и Ричард Гир. Филмот Чикаго освои дури шест Оскари, вклучително и Оскар за најдобар филм.
