Сплитската пејачка Јелена Розга гостуваше во најновото издание на емисијата “Кликс студио“ на босанскиот портал „Кликс“, каде отворено и искрено проговори за бројни теми.
Меѓу другото, во разговорот со водителката Емела Бурџовиќ беа допрени и теми поврзани со Северина.
Имено, низ регионалните медиуми со години кружи приказната дека овие две пејачки не се во добри односи.
„Во регионот секогаш постои оваа приказна дека двете не сте добри. Можете ли да ми ја демистифицирате? Дали е вистина или не? Дали ја „напумпаа“ и оваа приказна како и многу други работи?“, праша Емела.
“Секако, сето тоа е претерано. Имам одлични односи со сите мои колеги. Секој си ја работи работата на свој начин, јас никого не чепкам, сите ги почитувам и толку”, вели Розга.
Потсетуваме дека Јелена Розга ќе ја заврши својата турнеја „Minute of my Heart“ во Сараево во Зетра на 2 ноември.
