Српската пејачка Ана Николиќ го прослави својот 46-ти роденден со композиторот Горан Ратковиќ Ралет, со кој неодамна раскина, а потоа следуваше помирување.
Ана го прослави својот 46-ти роденден во еден клуб во Белград, а во центарот на вниманието не беше само славеничката, туку и Рале, кој не го тргаше погледот од пејачката. Очигледно, Рале е вљубен до уши во Ана.
Николиќ цело време пееше и играше, а за оваа прилика облече свилена маица со тантела со длабоко деколте, додека темните очила не ги симнуваше од очите.
Славеничката, судејќи по видеата, кои се појавија од клубот на социјалните мрежи, била многу расположена, играла, пеела, се снимала и дел од атмосферата споделила на својот инстаграм – профил.
„Не ми се верува дека Ана има толку години!“, „Изгледа многу помладо“, „Ана кралица, фантастично изгледа“…, се дел од воодушевените коментари на нејзините следбеници.
