41-годишната американска пејачка Бритни Спирс, по раскинувањето со Сем Асгари, продолжува да предизвикува вознемиреност кај обожавателите. Пејачката на социјалната мрежа Инстаграм сподели ново видео со танцување, кое се повеќе наликува на крик за помош отколку нешто дури и оддалеку слично на кореографија.
Во кадарот Спирс прво танцува боса во црвен градник и во иста боја на гаќички. а потоа носи светло син градник над кој носи уште еден црн градник од тантела. Црните чизми го комплетираат изгледот.
Бритни танцува на музика вклучена „до даска“и, чудно гледа во камерата додека изведува хаотични движења.
View this post on Instagram
Претходно се дозна дека Спирс се повеќе е забележана во друштво на маж кој порано работел во нејзината куќа. Станува збор за 37-годишниот Пол Ричард Солис, кој има криминално досие за нелегално поседување оружје, пишува Page Six, повикувајќи се на свои извори.
Солис и Спирс првпат се запознале „пред околу една година“, рекол изворот, истакнувајќи дека мажот бил ангажиран да работи во нејзината куќа во Калифорнија во Таузенд Оукс за „да ги чисти тоалетите, да ги брише подовите и да собира ѓубре“.
Подоцна добил отказ, но Бритни сега решила да поминува време со него, без да се обидува да го скрие нивното пријателство кое, според многумина, наликува на романса.
