Пејачката Александра Пријовиќ неодамна ја заврши турнејата која траеше повеќе од една година. Таа не ја крие возбудата поради тоа, а на новинарите неодамна им раскажа анегдота од еден од концертите, нагласувајќи дека тоа била најнепријатната ситуација што и се случила за време на турнејата.
View this post on Instagram
„Можам да издвојам една, за вас најинтересна, а за мене најнепријатна ситуација на концертот. Пред секој концерт доаѓа мојата Тијана, пробуваме работи, спремаме сѐ, се пакуваме и одиме. Сѐ беше спремно, излегов, го испеав првиот блок и додека беше гостинот, се пресоблеков. На сцената излегувам во црн комбинезон што го пробав дома, но во светлината на собата, не под рефлекторите. Излегувам во вториот блок, се вртам и низ целиот екран гледам дека комбинезонот е целосно проѕирен, како да сум гола“, изјави таа за „Блиц“ и додаде.
„Заборавив која песна ја пеам, заборавив каде сум, буквално ми се гадеше. Во тој момент го слушам Филип на телефон, како ми вели: „Ако можеш, потруди се што помалку да се вртиш“. Тоа е многу непријатна ситуација бидејќи шетам, голема е сцената, играм, се движам и размислувам што ќе правам. Реков – ќе пеам како да ми е последно, па што биде нека биде. Секако, стана вирално, сите го прикачија, а јас не спиев цела ноќ поради тоа“.
