Французинката ќе излезе на терен да суди на денешниот натпревар на Костарика-Германија. Помошните судии ќе бидат исто така жени.
Во светот на машкиот фудбал, Стефани Фрапарт со години е првата жена. Судија од својата 13-та година, во 2014 година таа беше првата жена која некогаш судела професионален фудбалски натпревар за мажи, стигна до врвната машка лига во Франција и во 2020 година стана првата жена судија во Лигата на шампионите. Сега руши уште еден ѕид. Таа ќе биде првата жена која ќе суди во историјата на Светското првенство во фудбал за мажи.
Фрапарт ќе суди на натпреварот Костарика-Германија, од групата Е, кој ќе се игра денес (четврток, 1 декември) во 20 часот.
Стефани Фрапарт е една од трите женски судии во групата од 36 судии. Но, досега ниедна не беше избрана да излезе на теренот. Таа и другите две колешки досега ја имаа само улогата на четврти судија на натпреварот. Останатите две се Јапонката Јамашита Јошими и Руандката Салима Мукансанга. Бразилката Неуза Бек, Мексиканката Карен Дијаз Медина и Американката Кетрин Несбит се меѓу 69-те помошни судии. Првите две ќе бидат на терен со Фрапарт.
View this post on Instagram
„Ова е доказ дека квалитетот е важен, а не полот. Се надевам дека назначувањето на елитни женски судии за важни машки натпреварувања наскоро нема веќе да бидат сензација, туку работа“, изјави главниот судија на ФИФА, Пјерлуиџи Колина.
