– И понатаму продолжува долгиот период на стабилно, суво и сончево време со мала до умерена локална облачност. Ќе дува слаб до умерен ветер од северен и од северозападен правец. Во следниот период поради влијанието на ЕКСТРЕМНО ТОПЛИОТ бран од Африка температурите ќе се искачуваат во интервалот од 35 до 42 степени, додека во централните и во југоисточните предели температурите се очекува да се искачат дури и над 42 степени. Само во недела попладне ќе има услови за ретка појава на краткотрајна нестабилност. Ув – индексот и понатаму ќе има ЕКСТРЕМНО ВИСОКА вредност и ќе изнесува коефициент некаде околу 10, па затоа на граѓаните им советуваме да се заштитуваат од лошото влијание на сонцето, но и да пијат што повеќе течности. Во Скопје и околината времето во следниот период ќе биде стабилно, суво и сончево со мала локална облачност. Ќе дува слаб до умерен ветер од северен и од северозападен правец.Само во недела попладне ќе има услови за сосема ретка појава на нестабилност. Температурите ќе бидат ЕКСТРЕМНО ВИСОКИ и ќе се искачат дури до 40 степени. ПРЕДУПРЕДУВАЊЕ: Поради ЕКСТРЕМНО ВИСОКИТЕ температури, но и големата суша која ќе ја зафати Македонија во следниот период, препорачуваме да внимавате како се однесувате со природата и да се избегнува движење по шуми, со цел да не дојде до евентуална појава на шумски пожари, вели метео прогнозерот Славчо Попоски.
Температури и над 42 степени, голема суша ќе ја зафати Македонија, најавува метеопрогнозерот Славчо Попоски
