Мистеријата околу апсењето на бизнисменот полека се разоткрива.
Свршеникот на српската пејачка Милица Тодоровиќ, хрватскиот бизнисмен Марио Б., е уапсен вчера во елитен кварт во Белград.
Марио бил уапсен по потерница на Интерпол и дал изјава во станицата 29-ти ноември.
Како што дополнително дознаваат српските медиуми, тој ќе биде спроведен во Високиот суд каде ќе биде сослушан.
Екипата на српскиот портал „Мондо“ стапила во контакт со ПР-тимот на пејачката, кој истакнал дека Тодоровиќ нема да се огласува за новонастанатата ситуација.
– Милица нема да се огласува околу ништо – навеле од нејзиниот ПР тим.
– Не сум се слушнала со Милица, ќе ѝ се јавам подоцна и ќе слушнам што се случило. Засега не знам дали е вистина или не, но таа нема да дава коментар. И во двата случаи, Милица ќе остане без коментар за оваа ситуација – изјави нејзината најблиска соработничка Бобана Живановиќ за српски „Курир“.
Кој е свршеникот на Милица Тодоровиќ?
Милица Тодоровиќ (34) веќе неколку месеци ужива во љубовта со богатиот бизнисмен Марио од Загреб, а дека нивната љубов е голема докажува и фактот што го прифатила скапиот прстен со кој тој ја свршил.
Како што сега стојат работите, пејачката годинава ќе го каже судбоносното „да“, а венчавката ќе се одржи само пред матичар во општината. Причината за ваквата одлука е тоа што Марио е од римокатоличка вероисповед, а бидејќи нашата црква одобрува само мешани бракови под одредени услови, двајцата се договориле да склучуваат само граѓански брак, пишува српски „Курир“.
