Поранешниот атлетичар Тим Лобингер почина од тешка болест – леукемија која му беше дијагностицирана пред шест години. Почина на само 50 години.
Светскиот шампион во скок со стап од 2003 година почина во понеделникот во Минхен, а тажната вест ја потврди и неговото семејство.
„Поранешната легенда во скок со стап мирно заспа во блискиот круг на своето семејство, не ја загуби борбата, ја доби на свој начин“, велат од семејството.
Тим долго време се бореше со леукемија, која првпат беше му беше дијагностицирана во 2016 година. Откако првично се чинеше дека се лекува добро и успешно, по две години мораше да признае дека се вратила агресивната форма на рак, што на крајот го чинеше живот .
Former German pole vault champion Tim Lobinger has passed away at the age of 50 after a battle with cancer. After his active career, Lobinger worked as athletic coach at RB Leipzig and was Joshua Kimmich’s personal trainer and one his close friends. Rest in peace 🕊️ pic.twitter.com/vUHiyTfXDB
— Bayern & Die Mannschaft (@iMiaSanMia_en) February 16, 2023
Во октомври минатата година тој за „Билд“ изјави:
„Нема повеќе лек за мене. Во февруари 2022 година, лекарите ми кажаа дека смртта е близу. Треба да се договорам, да се погрижам за својот погреб и да се збогувам со своите најблиски. Разговорите со моите деца беа тешки. Знаат колку ми е лошо“, изјави тогаш спортистот и се чини дека неговото предвидување се оствари – една година подоцна тој навистина почина.
Инаку, Лобингер е роден во Рајнбах на Рајна, а остана запаметен како еден од најуспешните скокачи со стап во Германија. Во 2003 година стана светски шампион во Бирмингем, а во 1998 година го освои златото на Европското првенство во Валенсија. По неговата активна кариера, Лобингер работеше како атлетски тренер во фудбалскиот клуб РБ Лајпциг и како личен тренер.
На почетокот на оваа година стана дедо, а инаку татко е на две возрасни деца и еден син кој оди во основно училиште.
