Српскиот министер за надворешни работи Ивица Дачиќ во интервју за „Вечерње новости“ изјави дека српските власти го отфрлиле предлог-спогодбата предложена од Германија и Франција за Косово и Метохија, што подразбира членство на Косово во ОН без формално признавање од Белград.
„Тоа ја содржи почетната точка дека независноста на Косово е веќе решено прашање, но ние не го прифаќаме тоа“, рече тој.
Претходно поранешниот српски министер за внатрешни работи Александар Вулин изјави дека влошувањето на ситуацијата на Косово е вина на Европската унија и Приштина.
Екс министерот истакна дека Србија не сноси „ни најмала одговорност“ за непочитувањето на бриселските договори, а косовските Срби се поддржани и од Србија и од сите други Срби воопшто.
