Со почеток во 19 часот на „Гумење“, в четврток, 5 октомври, пред Спомен куќата „Тодор Проески“, во Крушево по вторпат ќе се одржи концерт во чест на Тоше Проески.
На концертот во чест на непражалениот Тоше ќе пеат голем број домашни и регионални поп-пејачи.
Дел од настанот во чест на нашата најголема музичка ѕвезда ќе бидат Александра Јанева, Димитар Андоновски, Славица Ангелова, Мите Стоилков, Александра Трајческа, Никола Зацески, Зоран Илиев, „Инвиктус бенд“, женското трио „Фрајле“ од Нови Сад, а од Црна Гора ќе гостува Бојан Маровиќ, кој беше добар пријател со Тоше.
Тоше Проески загина во сообраќајна несреќа на 16 октомври 2007 година во Хрватска, на 26-годишна возраст.
