– Како што најавивме во првите неколку денови од новата 2022 година времето во Македонија ќе биде стабилно, суво и сончево со мала до умерена локална облачност. Утре ќе дува слаб до умерен, а долж Повардарието и во источните предели повремено засилен ветер од северен и од северозападен правец. Температурите ќе бидат невообичаено високи за овој период од годината и во следните денови истите ќе се искачуваат во интервалот од 11 до 18 степени. Позитивни ќе бидат и минималните утрински температури – вели нашиот метео прогнозер Славчо Попоски.
И во Скопскиот регион во првите денови од новата 2022 година времето ќе биде стабилно, суво и сончево со мала до умерена локална облачност. Утре ќе дува слаб до умерен, повремено засилен ветер од северен правец. Температурите во текот на следните неколку денови ќе се искачуваат во интервалот од 13 до 15 степени.
