– Како што најавивме, и во следните денови времето кај нас ќе се задржи променливо облачно, а особено во попладневните и во вечерните часови со повремени локални врнежи од дожд. Локално ќе биде нестабилно со пороен дожд, грмежи и засилен ветер.
Што се однесува до температурите, тие особено од средината на оваа недела ќе бележат тенденција на пораст и ќе се искачуваат во интервалот од 16 до 24 степени.
И во Скопскиот регион во следните денови времето ќе се задржи променливо облачно, особено во попладневните часови ќе има услови за локална појава на нестабилност, проследена со пороен дожд, услови за појава на грмежи како и со засилување на ветерот. Температурите ќе се искачуваат во интервалот помеѓу 15 и 22 степени, вели метео прогнозерот Славчо Попоски.
