Популарниот музичар Марко Маринковиќ – Слаткар има нова песна насловена „Насмевка“ која ја посвети на синот Моша по повод неговиот роденден.
„Уште прв ден одма штом те видов јас се заљубив, беше црвен, ко за нешто да си ми се наљутил“ – пее Слаткар.
Видеото содржи снимки од семејството, сопругата Сања, синот во различни моменти на радост.
Бројните фанови на музичарот се израдуваа на новата песна, а под видео записот следуваат бројни коментари и честитки. „Како човек може да се смени“, „Го опиша целото секојдневие“, „Поим за татко“…се само дел од коментарите.
Слаткар стана татко во април 2020 година, а ова искуство, како што самиот вели, значително го променило.
