Српскиот актер Сергеј Трифуновиќ доцна синоќа е приведен на границата помеѓу Србија и Хрватска, односно на граничниот премин Бајаково, јавуваат хрватските медиуми.
Како што наведува „Слободна Далмација“, полицијата рано утринава веднаш од границата го спровела во Сплит.
Трифуновиќ бил уапсен додека се обидувал да ја премине српската граница и да влезе во Хрватска. Тој во текот на денот ќе биде донесен во Сплит во Општинскиот суд за прекршоци каде го чека ново судење.
Да потсетиме, тој пред речиси точно една година беше уапсен во Сплит поради напад на службено лице. Поточно поради навреда на полицијата и држење на куче без надзор.
Против Трифуновиќ тогаш полицијата поднесе пријава за навреда, како и за држење куче без надзор.
Според Законот за прекршоци против јавниот ред и мир, поради прекршокот што наводно го направил Трифуновиќ може да му се изречи парична казна до 4.000 евра за навреда на службено лице и до 1.000 евра за држење куче без надзор, пренесе ХРТ.
На Трифуновиќ му била изречена забрана за влез во земјите на ЕУ во траење од една година.
