Турската актерка и модел Џансу Дере (45) е родена во Анкара, Турција. Иако дипломирала археологија на Универзитетот во Истанбул, нејзината страст кон уметноста ја одвела во светот на манекенството и телевизијата.
Во 2000 година, таа беше прва придружничка на изборот за Мис Турција, а набрзо ја започна својата кариера во медиумите. Вистинска популарност стекна со улогата во серијата „Сила“, а улогата на Ејшан во култната серија „Езел“ ѝ донесе меѓународно признание.
Својата успешна кариера ја продолжи појавувајќи се во сериите „Muhtesem Yuzyıl“, „Anne“, „Sahsiyet“ и „Sadakatsiz“. Таа ретко споделува детали од својот личен живот. Иако била во неколку јавни врски, никогаш не била во брак и нема деца.
