Селин Дион им се обрати на своите фанови со тажна вест. Пејачката на својот Инстаграм профил објави видео во кое вели дека боледува од ретка невролошка болест која погодува еден од милион луѓе во светот.
– Здраво на сите. Извинете што ми требаше толку време да ви се обратам. Многу ми недостигате сите и едвај чекам да разговарам со вас на сцената, започна таа.
– Како што знаете, секогаш бев отворена како книга и претходно не бев подготвена да кажам ништо, но сега сум подготвена. Имам здравствени проблеми долго време и ми беше многу тешко да се соочам со предизвиците и да зборувам за се низ што поминував, додаде таа и ја откри својата дијагноза.
Болеста на Дион се нарекува „синдром на вкочанета личност“, ретка е и ја добива еден од милион луѓе, откри таа.
– Иако сè уште учиме за оваа ретка болест, сега знаеме што ги предизвикува грчевите што ги имав, додаде таа.
View this post on Instagram
Пејачката исто така откри дека откажала осум концерти закажани за летото 2023 година и ги поместила датумите на концертите што требаше да се одржат во пролетта 2023 година во 2024 година.
За каква болест се работи? Тоа е ретко невролошко нарушување со карактеристики на автоимуна болест. Се карактеризира со флуктуирачка мускулна вкочанетост во телото и екстремитетите и зголемена чувствителност на стимули како што се бучава, допир и емоционален стрес, што може да предизвика грчеви во мускулите.
