Пејачката Наташа Беквалац често ја покажува мајка си на социјалните мрежи и раскажува моменти со неа во кои таа најчесто се јавува и испраќа пораки на нејзиниот профил, а сега се отвори и за својот татко.
Наташа има две сестри Драгана и Кристина и вели дека како мала се чувствувала помалку вредна бидејќи татко и бил строг со неа. Пејачката тврди дека сето тоа дошло на свое место подоцна, но дека секогаш имала тешки задачи пред неа.
„Мислам дека подоцна во животот станав посакуваното дете, но во моментот кога татко ми дозна дека има уште едно девојче, не беше премногу среќен. Подоцна дознав за таа семејна приказна и тоа како женско дете ми создаваше проблеми на мене“, рекла таа во една пригода, па додала:
„Не можам да се пожалам дека моите родители не ме сакаа, а сега сум сакана, имаме длабока, прекрасна врска, но понекогаш преовладуваше тој нагон и желбата на татко ми да има син, а тој има три ќерки. И сите три се чувствувавме помалку вредни во одреден момент од нашиот живот“.
