Американската актерка и режисерка Оливија Вајлд во интервју за Variety опиша дека и биле доставени документи за судско рочиште поврзано со старателството над децата во име на нејзиниот поранешен партнер Џејсон Судеикис додека била на сцената и го претставувала новиот филм. Таа го коментираше тој чин како „злобен“, пишува Би-Би-Си.
Оливија ги добила документите во жолто плико додека зборувала за нејзиниот нов трилер „Don’t Worry Darling“ во CinemaCon во Лас Вегас во април оваа година. На снимката се гледа дека изгледа изненадено и ја обзема ужас по отворање на пликото.
„Мразев што таа гадост го одвлече вниманието од работата на толку многу луѓе што ги претставував таму горе. Беше навистина злоен обидот за саботирање на тоа. Но, имав работа да ја завршам. Не е лесно да ме деконцентрираат“, раскажа Оливија.
„На кое било друго работно место тоа би се сфатило како напад. Беше навистина вознемирувачко. Тоа не смееше да се случи. Дошло до голем пропуст во безбедносниот систем, што е навистина застрашувачко“, објасни актерката, додавајќи дека постапката од бившиот сопруг воопшто не ја изненадила.
„Но, знаете, за жал, тоа не беше нешто што целосно ме изненади. Мислам, има причина зошто ја прекинав таа врска“.
Вајлд и Судеикис, кои раскинаа во 2020 година по седумгодишна свршувачка, ги имаат синот Отис и ќерката Дејзи. Се запознале во пролетта 2011 година на забава на „Saturday Night Live“, а набрзо потоа ја започнале својата романса.
Оливија моментално е во врска со музичарот Хари Стајлс, кој покрај неа глуми во филмот „Don’t Worry Darling“. Во јануари 2021 година, парот објави дека е во среќна врска.
View this post on Instagram
