Борис Бондарев, шеф на руската мисија во Обединетите нации во Женева, поднесе оставка со долго писмо со остри обвинувања против својата земја и меѓу другото велејќи дека му е доста од „лагите и недостатокот на професионализам“ на руската дипломатија.
Boris Bondarev, Counsellor of the #Russian Mission to the #UN Office at Geneva, resigns
In his statement, diplomat noted that he had never been so ashamed of his country because of the “aggressive war in #Ukraine unleashed by #Putin.” pic.twitter.com/uqjBrXnRKY
— NEXTA (@nexta_tv) May 23, 2022
Писмото започнува вака: „Моето име е Борис Бондарев. Во Министерството за надворешни работи работам од 2002 година, од 2019 година до денес ја извршувам функцијата на советник во руската мисија во канцеларијата на Обединетите нации во Женева. Во текот на дваесетте години од мојата кариера видов различни пресвртници во нашата надворешна политика, но никогаш не сум се срамел толку од мојата земја како од 24 февруари оваа година“.
Путин, според Бондарев, „покренал агресивна војна против Украина“ и против целиот Запад, што не е само злосторство против Украина, „туку тоа е можеби најтешкото злосторство против рускиот народ, со таа голема буква З која ги откажува сите надежи и перспективи за просперитетна иднина на нашата земја“.
Писмото продолжува со силно обвинување кон целата руска владејачка класа која ја поддржува таканаречената „специјална воена операција“ на Путин:
„Оние кои ја замислија оваа војна сакаат само едно: да останат на власт засекогаш, да живеат во помпезни палати без вкус, да се возат на јахти споредливи по тонажа и цена со целата руска морнарица, да уживаат во неограничена моќ и целосно беззаконие“.
Boris Bondarev, the Russian diplomat who has quit in protest at Russia’s offensive in Ukraine, tells me this about his resignation: “I don’t think it will change a lot, frankly. But it may be one little brick in the bigger wall which will eventually be built.”
— Steve Rosenberg (@BBCSteveR) May 23, 2022
Многу остри пасуси во писмото се оние резервирани за министерот за надворешни работи Сергеј Лавров:
„Со жал признавам дека во овие 20 години нивото на лаги и недостатокот на професионализам во работата на МНР постојано се зголемува. Сепак, во последниве години, тоа стана едноставно катастрофално “. Со пропагандата, според Бондарев, Русија се вратила на советското ниво од 1930-тите, земјата тргнала на патот на самозалажувањето.
„Русија – продолжува Бондарев – нема повеќе сојузници и не може никого да обвини освен нејзината непромислена и лошо смислена политика“.
Како заклучок, сега веќе поранешниот руски дипломат го затвора своето писмо велејќи: „Студирав за да станам дипломат и бев веќе 20 години. Министерството стана мое семејство. Но, јас едноставно повеќе не можам да го носам овој крвав, бесмислен и апсолутно бескорисен срам.“
