Денешниот ден во музичката историја ќе го паметиме по неколку успешни изданија кои се објавени токму на 24 март, како и по раѓањето на популарната Нена, германската пејачка која создаде единствен хит кој спојува бројни генерации.
Во продолжение погледнете кои настани ја одбележаа историјата на музиката на денешен ден:
1956 година – Билборд ја објави првата топ листа од најдобро продавани албуми, а првото место тогаш го освои американско-јамајканскиот пејач Хари Белафонте за својот втор албум под наслов „Белафонте“.
1960 година – Родена Габриела Сузан Кернер, германска пејачка која стана позната како Нена, чија песна „99 Luftballons“ е најзначен наслов во поновиот германски музички бран.
1983 година – Југотон го објави петтиот студиски албум на Здравко Чолиќ под назив „Шта ми радиш“. Од ова издание на славниот музичар најпознати се хутовите „Cherie, Cherie“, „Станица подлугови“, „Африка“ и „Шта ми радиш“.
1986 година – „The rolling stones“ го објавија албумот „Dirty work“, кој го одбележа песната „Harlem Shuffle“, која е всушност обработка на нумера од американското соул дуо „Bob and Earl“.
2004 година – Објавен концертен албум на „Забрањено пушење“ – „Live in St. Louis“.
