Откако донираше 5 милиони долари на нејзиниот роден остров Барбадос за борба против коронавирусот, Ријана купила и респиратор за нејзиниот татко, кој е заразен со вирусот Ковид-19.
На Барбадос, каде што живее нејзиниот татко, нема многу забележени случаи на коронавирус, а не се знае од каде се заразил татко ѝ.
„Искрено, мислев дека ќе умрам. Можев да ја почувствувам температурата во носот, на устата, чувствував треска насекаде… Ќерка ми секојдневно проверуваше како сум и ми се јавуваше. Морам да кажам, многу ја сакам. Таа направи многу за мене, го ценам тоа што го направи.“, изјави нејзиниот татко Роналд Фенди (66), за британските медиуми.
Иако респираторот пристигнал во неговата куќа на Барбадос, тој не мора да го користи. По 14 дена бил отпуштен од изолациониот центар затоа што оздравел.
Со кучињата Ксена и Ебони покрај него, Роналд одмора во пространата куќа во Сент Џејмс што неговата богата и славна ќерка ја купи за него.
