Американската раперка Чајна почина пред неколку дена на 25-годишна возраст, а нејзиното семејство го потврди тоа преку музичкиот менаџер. Полицијата сега откри дека причина за смртта на младата раперка е случајно предозирање, пишува Мирор.
Музичката ѕвезда беше пронајдена во својот стан во Филаделфија, а докторите брзо стигнале во нејзиниот стан и по обидите за реанимација можеле само да констатираат смрт.
По обдукцијата, Заводот за јавно здравје во Филаделфија потврди дека причина за смртта било предозирање со наркотици, а смртта е заведена како случајна.
Чајна пред неколку години јавно зборуваше за своите пороци и борбата со наркотиците, а во 2017 година дури објави дека е „чиста“ три години, односно дека три години не консумирала наркотици.
