Рекорно високите температури главно ги погодуваат постарите лица. 321 од 510 жртви се на возраст од 85 или повеќе години.
Жртвите од горештините во Шпанија се искачија на 510 за една недела, 150 само во саботата, каде во последните денови температурите достигнаа 45 степени. Ова го соопшти Министерството за здравство на Мадрид, врз основа на наодите на здравствениот институт Карлос III (ISCIII) кои се однесуваат на периодот од 10 до 16 јули.
Според дневниот систем за следење на смртноста IscIII, смртните случаи се зголемиле за четири пати од 15 на 60 во четирите дена од 10 до 13 јули. Бројката потоа скокна дополнително на 93 минатиот четврток и 123 во петокот, пред да го достигне врвот од 150 во саботата. Се стравува дека бројот на загинати се уште расте.
Топлината главно ги погодува постарите лица, со 321 од 510 жртви на возраст од 85 или повеќе години, 121 меѓу 75 и 84 години и 44 меѓу 65 и 74 години. Но, смртни случаи се бележат и кај младите, како во случајот со двајцата мадридски општински работници кои починаа од топлотен удар.
Меѓу најмладите жртви има и пожарникар и овчар, кои загинаа во пожарите што ја зафатија Шпанија, како и некои други области во јужна Европа.
Ова е втор летен топлотен бран во Шпанија. Претходниот, од 11 до 17 јуни, предизвика 829 смртни случаи, според IscIII.
July 2022. An abnormal #heat wave in #Spain. More than 350 people have died from the effects of a heat wave that has taken hold in much of Spain over the past six days. Temperatures rose to 45° C in some places. Please, witnesses, contact us!#climate #ClimateAction #ClimateCrisis pic.twitter.com/U03h4DQayL
— CLIMATE CHANGE (@climat_change) July 18, 2022
