Јована Јеремиќ во празничното интервју за „Информер“ отворено проговори за кариерата и приватниот живот, но и за тоа како изгледа Велигден во нејзиниот дом откако е во врска со бизнисменот Драган Станковиќ. Благодарејќи на својот партнер таа ја научи важноста на празниците.
-Претходно Велигден го поминував со ќерка ми, родителите, братот и снаата, но тогаш се појави Драган, мојот лав и целосно ми го промени животот. Сите празници ги славиме заедно веќе две години, се разбира, во друштво на нашите деца – рекла Јована и додала:
– Ниту еден празник претходно не ми беше претерано важен, но откако го запознав Драган тоа се промени. Благодарение на него, станав свесна за нивното значење. Самиот Господ го испрати кај мене, се молев за човек како него! Покрај тоа, има разлика во моето лично искуство на верата, бидејќи сега сум зрела жена…
Јована се пофали дека постела пред Велигден.
– Годинава постев цел месец, најмногу на вода. Се чувствував одлично! Имав сила и енергија за сите мои обврски. Месото воопшто не ми недостасуваше и во иднина ќе се трудам да јадам што помалку – изјавила таа и додала дека за време на постот се заштитува и од лошите луѓе:
– Генерално, се трудам да постам секогаш кога можам бидејќи како јавна личност секојдневно сум изложена на погледи, негативни коментари, енергија, љубомора… Редовно ја окадувам куќата, одам во црква, верувам во Бог и се молам. Од неодамна читам молитви наутро и навечер, а православниот молитвеник е секогаш во мојата чанта.
