Сандра Малетски е дипломиран педагог, магистер по човечки ресурси, а популарна е со својот Инстаграм блог за дом, декорација, организација, совети за чистење.
Сандра е од Скопје, но веќе четири години живее во Софија со нејзиното семејство. Нејзиното омилено јадење е Шакшука.
„Ова јадење за прв пат го пробав во Израел и од тогаш Шакшука е едно од нашите омилени израелски јадења кое често се готви во нашиот дом“ – вели Сандра.
Шакшука
1кг пиперки
2-3 домати
1 кромид
1 (мал) модар патлиџан
1 с.л. доматна паста
4 јајца
Свеж копар
сол и бибер
Се пржат ситно сецканите пиперки и кромид додека да омекнат.
Се додава ситно сецкан модар патлиџан, ситно сецкани излупени домати и полна супена лажица доматна паста.
Се остава на тивко да се динста сѐ додека не испари водата од доматите.
Се кршат јајцата и се поклопува со капак на неколку минути.
На крај се поросува со свеж копар.
